Republika e Kosovës shënon 9 Majin - Ditën e Evropës, si dëshmi e orientimit evropian dhe synimeve strategjike. Për Kosovën, anëtarësimi në BE ka domethënie shumë dimensionale, duke filluar nga vlerat evropiane, deri tek stabiliteti dhe zhvillimi socio-ekonomik që BE-ja përfaqëson.
Integrimi në BE zhvillon më tutje prosperitetin socio-ekonomik, sundimin e ligjit, stabilitetin dhe avancimin e mbrojtjes dhe respektimit të të drejtave të njeriut.
Me anëtarësim në BE, Kosova përfiton:
Rritje dhe qëndrueshmëri ekonomike: hapje e dyerve për në tregun e përbashkët evropian, që mund të nxis rritjen e tregtisë, investimeve dhe vendeve të reja të punës.
Treg të integruar financiar: lehtësim në integrimin në tregjet financiare evropiane, duke mundësuar qasje më të lehtë në shërbime kapitale dhe financiare.
Prezencë më të fuqishme ndërkombëtare: fuqizimi i prezencës së Kosovës në ekonominë ndërkombëtare.
Agjenda legjislative e Kuvendit të Kosovës mëton të përputhet me standardet e BE-së dhe adreson çështjet si:
● korrupsionin,
● krimin e organizuar,
● sundimin e ligjit,
● zhvillimin ekonomik,
● mbrojtjen e ambientit,
● të drejtat e njeriut, e të tjera.
Kuvendi i Kosovës mbikëqyrë nga afër procesin e integrimit evropian, duke u siguruar që përparimi i vendit të jetë në përputhje me standardet e BE-së dhe reformat e nevojshme të zbatohen për të arritur anëtarësimin.
Gëzuar 9 Majin - Ditën e Evropës!
_eqWHgGShh5.jpg)
_sMJKrVBPFS.JPG)